SÄHRAM — BU SEN HAKDA

Jöwza ýene dolandy bu öwrüme,
Sähra onuň şatlygy hem agysy.
Aýagmy bişirdi Günüň howruna,
Bagry ýanyp ýatan türkmen çägesi.

Ýöräp barýan sähraň belent-pesinden,
Soňabaka ädilmeýär aýagym.
Ho-olha, bir kiçijik depäň üstünde,
Çopan ýigit galdyrypdyr taýagyn.

Dym-dyrslyk çar ýana gözüm aýlaýan,
Diňe jöwza ýanýar, ahmyry bar deý.
Käte çöp-çalamyň başyn aýlaýar,
Mesgeni ýok kaňkap ýören tüweleý.

“Jemalyň daragty” aglaýar sessiz,
Jemaly soradym, elimi serdim.
Daragt diýdi: “Wah, galdym-la, höwessiz,
Kalbym paralama, gozgama derdim”.

Hiňleneýin ykbalyňa garylyp,
Pata alyp, Pyragynyň beýdinden.
Sähram, durkuň bilen daşa öwrülip,
Diňle, heniz diňlenmedik aýdym men.

Şähribossan

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s