Bir gün ymam aýagaldygyna jemagata gaharlanyp wagyz edýärmiş. Jemagatyň arasynda Abbasy halyfy hem barmyş. Ymam göýä diýersiň, hut halyfa gulak edip, nagarasyny döwýärmiş. Şonda halyf ymama şeýle diýip seslenýär:
― Eý, ymam! Sen hezreti Musadan (a.s) ýa-da Harundan (a.s) kän haýyrly dälsiň. Menem fyrawundan beter erbet däldirin. Allatagala pygamberlerini fyrawunyň ýanyna iberende, onuň bilen mylakatly gepleşmegi tabşyrypdyr. Sen näme üçin meniň bilen beýle gaharly gepleşýärsiň?
* * *
Hawa, «Taha» süresinde Allatagala: «Ikiňiz hem fyrawnyň ýanyna gidiň! Çünki ol azdy. Öwüt alyp, heder eder ýaly, onuň bilen mylakatly gepleşiň!» diýýär. Adamlary dogry ýola çagyrylan wagtynda, esasanam, şu döwürde hikmet, merhemet, yhlas, mylakatlylyk esaslaryna eýerilmelidir.