WAS-WASLYK
Merhum Nail Papatýa hojadan bir ýatlama:
Soňky gezek kesellämde içimde was-waslyk döredi. Içimdäki ses (nebis), ine, şeýle diýýärdi: “Alla bu keseli näme üçin hut saňa berdi? Töweregiňe seret, munça adam sag-salamat gezip ýörkä, bu kesel indi, gel-gel, seni tapaýmalymy?”
Ondan:
– Halypa, ol sese siz näme jogap gaýtardyňyz? – diýip soradylar.
Nail hoja şeýle jogap berýär:
– Eý, nebsim, diýdim. Bu was-wasly sözleriňi men aman-sag gezip ýörkäm näme üçin aýtmadyň, şonda aýdan bolsaň bolmaýadymy, ol döwürler niredediň?

---

HAÇAN UGRAÝAŇ?
Adamlaryň kellesini bulaşdyrmagy özüne ýörite pişe edinen kişiler polýuslarda nadip namaz okamaly diýen soragyň üstünde köp durýarlar. Şolardan biri merhum Nail Papatýa hojanyň ýanyna gelip:
– Hojam, polýuslarda nädip namaz okamaly? – diýip soraýar.
Bu soraga ýylgyran Nail hoja şeýle jogap berýär:
– O-how, haçan gidýäň? Bu temany, mümkin bolsa, şol ýere gitmek üçin wiza alan pilläň gürleşeli, bolarmy?

---

AHLAGY BOZAR
Mehmet Emre hojadan, telewizorda käbir kanallaryň görkezýän wejeralyklaryny göz öňünde tutup: “Hojam, telewizora tomaşa etmek täreti bozarmy ?” diýip soraýarlar. Hoja bu soraga şeýle jogap berýär:
– Täreti bozmasa bozmaz weli, ahlagy bozjagy ikuçsyz!