Bagt «ýatanyň üstüne turanyň gelmejeginden» arkaýyn bolup uka gitmekdir.

Bagt tomsuň jöwzasynda mylaýym deňiz suwuna girmekdir, agajyň saýasynda aýagyňy uzadyp ýatmakdyr.

Bagt öl otuň üstünde aýakýalaň ylgamakdyr.

Bagt petiş howadan soň mylaýym ýeliň öwüsmegidir.

Bagt agşam naharyndan soň gök çaýyň süzülmegidir.

Bagt şorta sözden soň hezil edip gülmek, gussaly kinofilmiň soňunda gözýaş döküp aglamakdyr.

Bagt ir bilen sag-aman oýananyň üçin Ýaradana şükür etmekdir.