At we daýhan

Bir gün bir daýhan ogly bilen bile fermada işläp ýörkä ýanlaryna bir at gelipdir. Atyň endamynda tagma bolmansoň, daýhan öz ýanyndan «Bu at gaty uzakdan gelen däldir, eýesi baş öwretjek bolanda gaçandyr» diýip pikir edipdir. Onsoň, daýhan atyň üstüne münüpdir. Ogly hem başga bir ata atlanyp, olaryň yzyna düşüpdir.  

At fermadan çykyp, ýol bilen maýdalyna ýöräberipdir. Soňra ýoluň gyrasynda kiçiräk bir köl görnüpdir welin, at suw içmek üçin ýoldan çykyp, köle garşy eňipdir. Suwdan ganansoň, daýhan ony sürüp ýene ýola eltipdir.

Birsalym ýöränlerinden soň at ajygypdyr. Ol ýoluň ilersinde ösüp oturan maýsalygy görüp, şol tarapa eňipdir. At garnyny doýransoň, daýhan ony sürüp ýene ýola eltipdir. Şeýdip at birnäçe gezek ýoldan sowlan hem bolsa, daýhana ony sürüp ýene ýola eltmek kyn düşmändir. Onsoň, olar ahyry gijara bir fermanyň üstünden barypdyrlar. Fermanyň eýesi öz atyny tanap ör-gökden gelipdir. Ol daýhanyň golaýyna baryp:

– Bu at meniňki. Ýöne geň galaýmaly, siz meni nädip tapdyňyz? – diýip sorapdyr. Daýhan atyň üstünde oturan ýerinden, oňa şeýle diýipdir:

– Men tapmadym. Atyň özi tapdy. Men diňe ony sürüp ýola eltdim. 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s