Merwli beýik sopularyň biri bolan Ebul Abbas Seýýary bir gün hoz almak üçin dükana girýär. Dükançy ony derrew tanap, satjysyna: «Hozuň gowusyndan saýlap çek» diýýär. Muny eşiden beýik weli ondan «Hemme kişä-de şeýdip satýaňyzmy? Kim bolsa-da, hozy saýlap çekýäňizmi?» diýip soraýar. Dükançy oňa «Ýok, men muny siziň ylmyňyzyň hormaty üçin etdim» diýýär.

Şonda Ebul Abbas Seýýary: «Men ylmyň mertebesini iki dürli hozuň arasyndaky tapawuda çalyşmaryn» diýip hoz almakdan ýüz öwrüp, dükandan çykyp gaýdýar.