Gadymy grek matematigi Ýewklid diňe bir matematik ylmy bilen meşgullanýanlaryň däl, eýsem her bir adamyň beýik hasaplaýan alymlarynyň biridir. Ol biziň eýýamymyzdan takmynan, üç ýüz ýyl öň geometriýanyň nazaryýeti hakyndaky on üç tomluk «Başlangyçlar» atly eseri bilen tanalýar.

Müsüriň patyşasy Ptolemeý I bir gün Ýewklidden:

– Geometriýany ýeňilleşdirilip öwretmegiň ýoly ýokmuka? – diýip soranda, ol şeýle jogap beripdir:

– Meniň günämi geçiň patyşahym! Gynansagam, geometriýa barýan şa ýoly ýok!