Uzak gününi daşarda işläp geçirýän är-aýal kiçijik gyzlarynyň doglan güni üçin sowgat almak niýeti bilen oýunjak dükanyna girýärler.
Aýal satyjy gyza ýüzlenip:
– Serediň, gyzym uzak gün öýde öz enekesi bilen galýar. Şoňa bar-a, men öýde ýokkam, meň ýoklugymy duýdurmajak oýunjak gerekdi welin, tapyp bolmazmyka? – diýdi.
Satyjy gyz başyny ýaýkap:
– Size gaty oňat düşünýärin, hanym – diýdi. “Biziň dükanymyz bu jelegaýda köpdürli oýunjak satýan iň belli dükandyr. Nähili oýunjak diýseňiz, size badabat tapyp berip bilýän. Oýunjak aýylar diýermiň, oýunjak esgerler diýermiň, ot öçürijiler diýjekmi, ýa bolmasa her hilisinden oýunjak bäbekler diýjekmi… Ýöne, gynansagam, oýunjak EJEMIZ ýok. Hiç haçanam bolmandy, bagyşlarsyňyz”.