Onuň (s.a.w.) ýanynda nijeme mugjyza (gudrat) bolup geçýärdi. Her mugjyza bilen bir syr açylýardy.
Bir gün Allanyň Resulynyň (s.a.w.) ýanyna bir sähraýy (bedewi) çarwa araplaryň biri gelýär. Elinde-de bir suwulgan bar. Gele-gelmäne:
– Eger şu haýwan seniň pygamberdigiňe şaýatlyk etse, menem derrew iman getirjek – diýýär.
Ony diňlän Serwerimiz (s.a.w.) suwulgana garap özüniň kimdigini soraýar. Ol haýwanam açyk dil bilen kelemeýi-şahadat getirýär.
Başga bir gezegem Serwerimiz (s.a.w.) bir jeren bilen aç-açan gürleşýär we jeren Onuň (s.a.w.) pygamberligine şaýatlyk edýär.